Per la Giornata della Memoria, perché nessuno dimentichi e men che meno gli aguzzini.

LAMENTU DU ZZU ADOLFU ALL’INFERNU

Personaggi: zio Adolfo, un diavolo, Dio (forse)

Adolfo                  Minchia, ‘un pozzu dormiri

                               ppi zoccu cumminai

                               com’è ca potti essiri

                               chi fu, mi ‘mbriacai?

                               Ddi cammiruna granni

                               ccu tutti ddi cristiani

                               ddu ciauru di carni

                               ddi corpa martoriati.

                               L’Ebbrei n’i supputtava

                               e iù comu n’armali

                               ‘nto furnu li ‘nfurnava

                               senz’ogghiu, arinu e sali.

                               Parteva du pinzeri

                               ca la mo razza ariana

                               purtava li banneri

di tutta a razza umana.

Un diavolo          E tu cu ssu mustazzu,

                               figghiu di gran buttana,

ci rissi ‘ndiavuluni ,

cchi fussi razza ‘riana?

(E ‘ntantu ccu ‘nrastedddu

u pilu ci allisciava

e Adolfu puvireddu

tuttu s’arriminava.)

Adolfo                  Fermu, diavuluni, fermu,

                               posa ssu furchittuni,

                               non m’abbruciari, ‘nfernu,

                               anchi si ài raggiuni.

                               Ma cu mu fici fari,

                               cchi è ca cumminai?

                               pinsava d’abbulari

                               e inveci cca ‘ntappai.

Dio (forse)          Avanti, Adolfu, mutu,

                               non fari sti lamenti,

                               ca grossa a cumminasti

                               e ‘un pozzu fari nenti.

                                                               Paolo Sessa