Canzone per
Catania è...
Catania è na passiata
E' na botta di vita,
Mpari, di mala vita,
Anchi si bene organizzata.
Catania è giniusa, mpari,
Comu na bedda carusa sfruntata,
Ranni comu la chiana assulata,
E forti comu a muntagna annivata
china di lava e di focu
ca su la testa amurusa la suvrasta
comu na matri amanti e pinsirusa.
Bedda, mpari, ca nun si po taliari.
Chiù ca na stidda di mari
Pari na stidda do cielu.
Catania parra ,mpari, sempri a gran vuci
Comu n'curtigghiu a cielu apertu
Cu centu cummari
Na festa, mpari, na cunfusioni,
Ca si fa sintiri comu na musica di soni
Ca nun trova uguali
Catania è na minnulata
Na cosa duci, mpari,
Ca nun po aviri parauni
Cu nissun'autra genti
Picchi, Catania, mpari,
nun ti siddiari,è sempri sorridenti,
e nun s'arrenni mai,
si truvassi puri, com'è, ma nun pari,
In mezzu a tanti uai!
Nuccio Palumbo
antonino11palumbo@gmail.com